Манай улс БНХАУ-тай хиллэдэг хэсэгт байнгын болон түр ажилладаг 12 боомттой бол ОХУ-тай хиллэдэг хэсэгт хилийн боомт 10 бий. Харин эдгээрийн тав нь Дорнод аймгийн нутагт байршдаг. Дорнод аймгийн нутаг дахь хилийн боомтуудаас хамгийн хөл ихтэй нь  Хавиргын  боомт байдаг ч уг боомт нь улирлын чанартай ажилладаг юм. Уг боомтыг арваннэгдүгээр сараас дөрвөн сарын хугацаанд хаадаг ч Монголын уламжлалт цагаан сарын баяр болох гэж буйтай холбоотойгоор хорь хоногийн хугацаатай нээжээ.