Тбилиси хотын зүүн талд 20 км-ийн зайтай оршдог Кирцаниши хотын цэргийн баазад дэлбэрэлт болсны улмаас 3 цэрэг амь үрэгдэж, 13 цэрэг шархадсан тухай Гүржийн Батлан хамгаалах яам мэдээлсэн байна.

Их бууны ангийн цэргүүд сургуулилт хийж байх үеэр 120 мм-ийн сум дэлбэрсэн тухай тус яамны мэдээлэлд дурдсан бөгөөд ослын учир шалтгааныг тодруулахаар ажиллаж байгаа тухай дурджээ.

Шархадсан цэргүүдийн заримыг  ойролцоо орших Рустави хотын Төв эмнэлэгт хүргүүлсэн байна.

Кирцанишийн цэргийн баазад 2000 оноос эхлэн АНУ-ын цэргийн сургагчид хүрэлцэн ирж, Афганистан дахь терроризмын эсрэг явуулж буй цэргийн үйл ажиллагаанд оролцох Гүржийн зэвсэгт хүчний бие бүрэлдэхүүнийг сургаж байгаа ажээ.