ЭТА энэ даваа гаригт тэмцлийн хүчирхийллийн хэлбэрээс бүрэн татгалзаж байгаа тухай баскийн хэт зүүний Gara  сонин өөрийн сайтаар мэдээлжээ.

Баскийн террорист байгууллага ЭТА (ETA – Euzkadi Ta Azkatasuna, “Эх орон ба эрх чөлөө” баск хэлээр) 1959 оны долдугаар сарын 31-нд байгуулагдсан ба Баскийн орны тусгаар тогтнолын төлөө тэмцэл хийж ирэв. Тус байгууллага анх удаагаа 1968 оны зургадугаар сарын 7-нд террор хийн өөрсдийгөө гаргаж ирсэн ба тэр аллагад нь цагдаагийн ажилтан Хосе Пардинес амь үрэгдсэн байлаа. ЭТА-гийн террорт нийтдээ 820 хүн амиа алджээ.

  ЭТА дөчин жилийнхээ тэмцэлд  ихээхэн өөрчлөгдсөн юм. Эхлээд Франкогийн ард түмний эсрэг дэглэмтэй баскуудын өөрсдийн хэлээр ярих зэрэг ердийн эрх чөлөөний эрхийн төлөө тэмцэн олны дэмжлэг авсан байгаад сүүлдээ цөөн тооны хүмүүстэй жижиг террорист байгууллагууд болсон байна. Жилээс жилд дэмжлэгээ алдсаар ирсэн юм.

Даваа гаригийн өглөөгүүр га­даад  зарим хэвлэл тэдний тоонд BBC, Guardian, Spiegel ба Dow Jones зэргийн редакцид Gara сониноос мэдээ ирэн өдрийн турш өөрийн сайтад баскийн салан тус­гаарлагчдын “олон улсын төв­шинд баталж байгаа бүрэн хэм­жээний тогтмол эвлэрэл” зарлаж буйг мэдээлнэ гэсэн байв. Тэгээд сонины сайт хаагдсан байна. Хожим үдээс хойш уг сайт нээг­дэн баск, англи, испани хэлээр баскийн террористуудын мэдэгдэл тавигдсан ба мөн видео бичлэгийг дагалдуулан харуулжээ.

Сонины сайтаар тараасан өгүү­лэлд ЭТА байгууллага “зэвсэгт сөр­гөлдөөнд” төгсгөл тавихаар чиг­лэгдсэн “хатуу үүрэг” болгон “бү­рэн хэмжээний бүх нийтийн” хэм­жээнд тэмцлээ зогсоож буй шийд­вэр гаргаж байгааг хэлсэн байв. Тэд энэ үүргээ “олон улсын төв­­шинд баталгаажуулахад” бэлэн гэжээ.

Баскийн салан тусгаарлагчид өөрс­­дийн шийдвэрээ “сөргөлдөө­нөөс гарах шударга, ардчилсан замын хайлт” хэмээн тайлбарласан байна. Тэд Засгийн газарт хан­­дан баскийн хэт зүүний хө­дөл­гөө­нийхний эсрэг явуулж байгаа хэл­мэг­дүүлэлтээ зогсоохыг уриалжээ.

Gara сониноор дамжуулан 2010 оны есдүгээр сарын эхээр баскийн салан тусгаарлагчид “байлдааны довтлох үйл ажиллагааг зогсоож” буйгаа зарласан ба тэр нь тогтмол эсвэл түр зуурын хэрэг үү гэдэг нь ойлгомжгүй байв.

Ээлжит эв найрамдал зарлах нь хан­галтгүй бөгөөд ЭТА бай­гууллагын оршсон түүхэнд тэд олон удаа эвлэрэл зарлан тэмцлээсээ тат­галзсан гэж мэдээлээд өөрсдөө түүнийгээ зөрчдөг гэж Засгийн газар үзэж байгаа.

Террористуудаас зэвсэгт үйл ажиллагаагаа нэг мөр зогсоож, таран зэвсгээ хураалгах мөн хэт зүүний намуудаас террорын ажил­лагааг эрс шуудаар буруутгахыг хүлээж байсан юм. Сүүлийн долоо хоногуудад ЭТА өөрийн үйл ажиллагааг бүрэн зогсоож байгаа тухай мэдээлэл гарна гэсэн яриа Испанид тархсан байлаа.

ЭТА  бүлгийн гишүүд сүүлчийн террорын ажиллагааг 2009 оны наймдугаар сарын 9-нд хийжээ. Тэр цагаас хойш Испанийн цаг­даагийнхан Франц, Пор­ту­гали, Их Британийн мэргэжил нэгтнүүдийнхээ дэмж­лэгтэйгээр  уг байгууллагыг бараг хүчин мөхөс болгожээ. Өнгөрсөн жилд цагдаагийнхан ЭТА-гийн гишүүд байж болох гэх 60 хүнийг баривчилсан байна. Тэдний тоонд уг байгууллагын удирдагч байж магадгүй хэд хэдэн хүн байгаа юм. Мөн хоёр тонн орчим тэсрэх бодис, ихээхэн хэмжээний баримт бичиг, зэр зэвсэг ба мансууруулах бодисыг хураасан байв. Португалид тэсрэх төхөөрөмж бэлтгэх нууц лаборатори ба агуулахуудыг илрүү­лэн Португали ба Испанийн Каталонид террористуудын хоёр бааз байгуулах гэж байсныг таслан зогсоожээ.