90-ээд оны дундуур “Одод болох хүслэн” нэртэй чөлөөт бүжгийн тэмцээн зохиогддог байлаа. Тухайн үеийн хүүхдүүдийг чөлөөт бүжгийн урлагт уриалан дуудаж өрсөлдүүлдэг байсан тэмцээнүүд сураг тасраад удаж байсан билээ. Харин өнгөрсөн арван нэгдүгээр сараас МҮОНТ-ээс санаачлан “Mongolian Best Dance crew” буюу “Монголын шилдэг бүжгийн хамтлаг” шалгаруулах реалити шоуг  эхлүүлсэн юм. Эхний шатанд 21 хамтлаг өрсөлдсөнөөс арав нь шалгаран үлдэж цааш долоо хоног бүр даалгавар аван өрсөлдөн хасагдах журмаар үргэлжилж байсан билээ. Харин энэ долоо хоногийн ням гаригт төгсгөлийн шалгаруулалт “АСА” циркт болох гэж байна.

“Mongolian best dance crew” -г зохион байгуулагчид жинхэнэ шоу, тулаан гэдэг талаас харуулахыг зорьж байгаа нь бас нэг онцлог ялгаатай тал нь юм.

МҮОНТ-ээс санаачлан зохион байгуулж буй уг реалити нэвтрүүлгийн эхний шатанд 20 хамтлаг өрсөлдөж байснаас өнөөдөр тав нь тунаж үлджээ.

Чөлөөт бүжгийн төрлийг олон нийтэд сурталчилж, хөдөлгөөний дутагдлаас сэргийлэн, хүүхэд залуусын чөлөөт цагийг зөв боловсон өнгөрүүлэх зорилготой тус нэвтрүүлгийн эцсийн шалгаруулалт энэ сарын 16-нд “АСА” циркт болох бөгөөд “Beat1family”, “Nova flame”, “PR”, “Hooliganz”, “Танд үйлчилнэ” хамтлагууд гурван сая төгрөг, “Дош” кинонд тоглох болон хамтлагаараа Диснейлэндэд аялж, клип хийлгэх эрхийн төлөө өрсөлдөх нь ээ.