ОХУ гурилын экспортын хоригоо 2011 оны нэгдүгээр сарын 01-нд дахин сунгажээ. Гурил үйлдвэрлэгчид гадаадын худалдан авагчдаа алдаж байна гэсэн мэдэгдлийг засгийн газар шийдвэрлэсний дараа экспортын хоригийг үргэлжлүүлэн мөрдүүлэхээр болсон байна.

ОХУ-д өнгөрсөн зун ихээхэн ган гачиг нүүрлэсний улмаас 2010 оны наймдугаар сарын 15-нд үр тарианы экспорт буюу улаан буудай, арвай, хөх тариа, эрдэнэ шиш мөн гурилын экспортонд хориг тавьсан байна. 2010 оны ган гачгийн улмаас тус улсын ургацын 1/3 нь сүйджээ.

Гурилын экспортын хоригийг анх 2010 оны арванхоёрдугаар сарын 31 хүртэл хүчинтэй байхаар тогтоосон ч ийнхүү 2011 оны зургадугаар сарын 30 хүртэл хүчинтэй байхаар дахин сунгасан байна. Орос улс нь Монгол, Афганистан, Өмнөд Солонгос, Израиль, Туркменистан, Тажикстан, Молдов болон Тайланд зэрэг улсуудад гурил экспортолдог ажээ.

Б. Энхцэцэг