Монгол Улсын ерөнхий сайдын албан айлчлал өнөөдөр албан ёсоор өндөрлөж байна. Тэрээр энэ сарын 3-наас эхлэн Арабын Нэгдсэн Эмират Улс болон булангийн орнуудад албан айлчлал хийж байгаа билээ. Айлчлалын хугацаанд Ерөнхий сайд С.Батболд Абу Даби сан болон Абу Даби Хөрөнгө оруулалтын газартай Монголд хөрөнгө оруулалт хийх чиглэлээр яриа  хэлэлцээр хийсэн аж. Ерөнхий сайдыг өнөөдөр Монголд ирнэ гэсэн мэдээлэл байсан ч Засгийн газрын хэвлэл мэдээллийн албаны төлөөлөгчийн хэлснээр маргааш тэрбээр эх орондоо ирэхээр болжээ.