Хуульд нэмэлт, өөрчлөлт оруулах төсөл өргөн барив | News.MN

Хуульд нэмэлт, өөрчлөлт оруулах төсөл өргөн барив

Хуучирсан мэдээ: 2011.01.11-нд нийтлэгдсэн

Хуульд нэмэлт, өөрчлөлт оруулах төсөл өргөн барив

УИХ-ын гишүүн С.Эрдэнэ, Д.Балдан-Очир, Д.Ганхуяг, Э.Мөнх-Очир, Ц.Сэдванчиг, Д.Тэрбишдагва нар Монгол Улсын Их Хурлын чуулганы хуралдааны дэгийн тухай хуульд нэмэлт, өөрчлөлт оруулах тухай хуулийн төсөл санаачлан боловсруулснаа УИХ-ын дарга Д.Дэмбэрэлд өнөөдөр өргөн барилаа.

   Шинээр нэмэлт, өөрчлөлт оруулсан УИХ-ын чуулганы хуралдааны дэгийн тухай хуулийн зарим заалт, тухайлбал, УИХ болон хэвлэл, мэдээллийн байгууллагын харилцааны талаархи зохицуулалт нь Үндсэн хуулийн иргэн хүний мэдээлэл олж авах үндсэн эрхтэй холбоотой заалтыг хөндөж, төр, түүний байгууллагаас нууцад үл хамаарах асуудлаар мэдээлэл эрж хайх, хүлээн авах эрхийг боомилоход хүргэж байна. Түүнчлэн сэтгүүлчдэд туршлага, мэргэжил, боловсролыг нь харгалзан нэр зааж УИХ-ын үйл ажиллагааг сурвалжлах эрх олгохоор тусгасан нь Үндсэн хуулийн заалттай зөрчилдөж байна гэж үзээд эрхэм гишүүд ийм хуулийн төсөл санаачилжээ.

    Үндсэн хоёр зүйлтэй уг хуулийн төсөлд УИХ-ын нэгдсэн хуралдаанаас бусад нээлттэй хуралдаанд хэвлэл, мэдээллийн ажилтнуудыг оролцуулдаг байх, мөн УИХ-ын үйл ажиллагааг сурвалжлах эрхийг зөвхөн хэвлэл, мэдээллийн байгууллагаас ирүүлсэн саналыг үндэслэн хэвлэл, мэдээллийн ажилтанд нэр зааж олгож байхаар өөрчлөн найруулахаар төсөлд тусгасан байна гэж УИХ-ын Хэвлэл мэдээлэл, олон нийттэй харилцах хэлтэс мэдээлэв.

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

unshigch 2011-01-11 202.55.191.37

парламентын сэтгүүлч ч гэх шиг та нар захиалгат бичлэг хов живээс өөр хийж чаддаг билээ
шалгуур заавал байх хэрэгтэй

Avatar

сэтгүүлчдэд 2011-01-11 202.180.220.86

далан насанд даруулга хэрэгтэй гэдэг шиг эрхэм сэтгүүлчдэд хүлээх хариуцлага ёс зүй хэрэгтэй байгаа зөвхөн нэг өнцгөөс асуудалд хандмааргүй байгаа юм монголд мэдээллийн хэрэгслийг тоглоом болгож байна ард иргэд үнэн бодитой мэдээлэл авч чадахгүй байгаа юм

Avatar

Зочин 2011-01-11 202.170.68.130

-Үндсэн хоёр зүйлтэй уг хуулийн төсөлд УИХ-ын нэгдсэн хуралдаанаас бусад нээлттэй хуралдаанд хэвлэл мэдээллийн ажилтнуудыг оролцуулдаг байх- Бас л нэгдсэн хуралдаан оруулахгүй гэсэн үг үү юу болж бна даа Дээрдээд байх юм алга шив дээ

Avatar

Энэ юу бэ? 2011-01-11 202.170.68.130

-Үндсэн хоёр зүйлтэй уг хуулийн төсөлд УИХ-ын нэгдсэн хуралдаанаас бусад нээлттэй хуралдаанд хэвлэл мэдээллийн ажилтнуудыг оролцуулдаг байх- Бас л нээлттэй хуралдаан оруулахгүй гэсэн үг үү
юу болж бна даа Дээрдээд байх юм алга шив дээ

Avatar

Зочин 2011-01-11 182.160.44.70

gishuddee mergejliin tuslaltsaa uzuuleh estoi tamgiin gazriinhan ni yu hiij baidag yum be arai denduu yumaa huulich humuus baimaar yum

NewsMN Гар утасны хувилбар Татах
NEWS.mn

Мэдээллийн эх сурвалж