-Иргэний үнэмлэх авахад урьд нь төлдөг байсан төлбөр нэмэгдсэн гэсэн. Хэдэн төгрөгөөр нэмэгдсэн юм бэ?
-Иргэний үнэмлэх анх авч байгаа хүн урьд нь 10 мянган төгрөг төлдөг байсан бол шинэ хуулийн дагуу тэмдэгтийн хураамж болох 3300 төгрөг нэмэгдэж, 13300 төгрөг төлөх болсон. Үүнээс гадна 25, 45 насандаа иргэний үнэмлэхээ шинэчлүүлэхэд ч гэсэн 13300 төгрөг төлнө. Мөн иргэний үнэмлэхээ үрэгдүүлсэн тохиолдолд шинээр авахын тулд өмнө нь төлдөг байсан төлбөр дээр нь тэмдэгтийн хураамж болох 25 мянган төгрөг нэмэгдсэн байгаа.
-Ингэж үйлчилгээний төлбөрийг нэмсэн нь ямар учиртай юм бэ?
-Иргэний үнэмлэхээс гадна үл хөдлөх хөрөнгө эзэмших эрхийн гэрчилгээгээ бүртгүүлэх хөлс үнийн дүнгээс нь хамаарч шатлалтай буурсан байгаа. Энэ нь иргэдийн идэвхийг сэргээж, бүртгэл хийлгэх зорилготой юм л даа. Иргэний үнэмлэхний үйлчилгээний хураамж нэмэгдсэн нь дээрх урамшуулах аргын нэгэн адил иргэдийн хайхрамжгүй, хайнга байдлыг зогсоох зорилготой. Тухайлбал, ломбарданд иргэний үнэмлэхээ барьцаалчихаад шинээр авах тохиолдол цөөнгүй гардаг. Иргэний үнэмлэхээ хаяж, үрэгдүүлсэн тохиолдолд иргэд 50-60 мянган төгрөг төлж дахин авна гэсэн үг.
-Яаралтай гаргуулахад урьд нь 10 мянган төгрөг нэмж авдаг байсан. Харин тэр нь 20 мянган төгрөг болсон гэх юм?
-Иргэний үнэмлэх яаралтай гаргуулах үйлчилгээний хөлс 10 мянган төгрөг хэвээрээ байгаа.
Зохиогчийн эрх:
"Улс төрийн тойм" сонин