УИХ-ын Аюулгүй байдал, гадаад бодлогын байнгын хороо өнөөдөр 15.00 цагаас хуралдаж, Оюутолгойн ордыг ашиглах Техник эдийн засгийн үндэслэл болон Эрдэс баялгийн мэргэжлийн зөвлөлийн дүгнэлттэй танилцаж, дүнг танилцуулах үүрэг бүхий ажлын хэсгийн санал дүгнэлтийг авч хэлэлцсэн тухай байнгын хорооны тогтоолын төслийг авч хэлэлцэхээр болжээ.
Тус ажлын хэсэг нь өнгөрсөн онд байгуулагдаж байсан бөгөөд гурван ч удаа эл асуудлыг авч хэлэлцэж, дүгнэлтээ гаргах гээд чадалгүй, хуралдаанаа хойшлуулж байсан удаатай юм. Харин энэ удаад ажлын хэсгийн дүгнэлт эцэслэн гарсан бололтой.
Г.Дарь