“Хүүхэд минь эрүүл болж бай­вал коридорт нь ч хамаагүй хэв­тэе” гэх хүүхдээ тэврэн олон эх­чүүд Сонгинохайрхан дүүргийн эм­нэл­гийн үүдийг сахиж сууна. Хүйтний  ули­рал  эхэлж ханиад дэгдэж,  эм­нэ­­лэг нь ачааллаа дийлэхгүй эх­чүүд коридорт эвхдэг орон дээр шах­цалдан сууна. Тус эмнэлгийн байнгын үйлчлүүлэгчид нь 0-5 насны хүүхдүүд. Сонгинохайрхан дүүрэг бол хүн амын тоогоор тэр­гүүл­­дэг. Гэтэл ганцхан эмнэлэгтэй. Эм­нэлгийн барилга нь 29 жилийн настай, нийслэл 500 мянган хүн амтай байхад хүүхдийн 50, насанд хү­рэгч­дийн 50 ортой байсан үеийн эм­нэлэг. Одоо ч энэ байдлаараа л байна.

Тус эмнэлэгт таван жилийн өм­нө нэг жилд 4000 хүүхэд  хэвтэн эмч­­лүүлдэг байсан бол одоо энэ тоо хоёр дахин нэмэгдсэн гэж тус эм­нэл­гийн эмч нар ярьж байлаа.  Сон­ги­нохайрхан дүүргийн XXI хороо­лолд байрлах энэ эмнэлэг ачааллаа дий­лэхгүйн улмаас зөвхөн хүнд өвчтэй хүүхдүүдийг л хүлээн авч эмчилгээ хийж байгаа. Өдөрт 50-60 хүүхэд ирдгийн 50 хувийг нь хэв­тэн эмчлүүлдэг гэнэ. 

“Манайх 110 ортой. Одоогийн байд­лаар сэхээнд найман, тасагт 160 хүүхэд хэвтэн эмчлүүлж байна. Өдөрт 20-30 хүүхэд эмнэлгээс гардаг ч эргээд мөн тооны хүү­хэд ирдэг. Үүнээс хүнд гэсэн хүүх­дүү­­дээ тусад нь авч хөнгөн хэл­бэ­­рийн хүүхдээ таван хоногт баг­­таан эмчилж гаргаж байгаа. Хүү­хэд халдвар авахдаа эмзэг бай­даг учраас тав хоногоос илүү байлгахад дахин халдвар авдаг. Ачаа­лал их байгаа учраас нэг тасагт олон хүүхэд хэвтүүлдгээс өвчин нь сэдрэх магадлал өндөр байдаг.   Хамгийн гол нь манай дүүргийн хүүхдээс гадна Баянгол дүүргийн өвчтэй хүүхдийг ч давхар хүлээн авч байгаагаас ачаалал их байгаа. Өдөрт таван эмч, найман сувилагч ажиллаад ч ачаалал багасахгүй бай­на. Нэг тасагт долоон хүүхэд хэв­тэж байна. Энэ нь эдгэрсэн хүү­хэд дахин халдвар эрсдэлтэй. Гэх­дээ бид байгаа боломжоо ашиглан ажил­­лаж байна” гэж тус эмнэлгийн хүүх­­дийн тасгийн эрхлэгч Ч.Оюун­­­­­­билэг ярьж байлаа. Эх нялх­­­­сын эрдэм шинжилгээний төв гу­рав­­дугаар шатлалын эмнэлгийн тус­ламж үйлчилгээ явуулах болс­ноор тус дүүргийн бүх хүүхэд энэ эмнэлэг дээр ирж үйлчлүүлж бай­гаа аж.

Мөн тэрээр “эргэлтийн” буюу өвч­ний хурц үеийг намдаан эр­гэн халдвар авахаас нь өмнө зөв­лөгөө өгч гэрийн нөхцөлд гаргах зарч­маар ажиллаж байгаа гэлээ.  Мөн тус эмнэлэг өнгөрсөн жил нөө­цөндөө 70 ширхэг эвхдэг ор авсан. Ор хүрэлцээгүй учир эвхдэг ороо ко­ридорт байрлуулан  ажиллаж байлаа.

Эмнэлэгт хэвтэн эмчлүүлж бай­гаа иргэд “тухгүй, эвхдэг орон дээр хүүхдээ л хэвтүүлж бай­на. Гэхдээ үнэхээр ачаалалтай бай­гаа болохоор хүүхдээ эдгээж бай­вал хаана ч байсан хамаагүй гээд өөрсдөө суугаад л сахиж бай­на” гэж ярьж байлаа. Бүр фи­зик, уламжлалт эмчилгээний өрөө­нүү­дээ хаагаад өвчтөн авч байна гэж эмнэлгийн эмч нар ярьж байна.

Зөвхөн энэ эмнэлэг төдийгүй нийсл­элийн  Баянзүрх, Хан-уул зэ­­рэг дүүргүүдийн эмнэлэг 28-30 жи­лийн өмнө баригдсан.

Хэдэн жил л хүүхдийн эмнэлэг ачааллаа хүчрэхгүй болсон гэж яригдаж байгаа. Гэтэл одоо болтол ямар нэг дорвитой шийдвэрт хү­рэх­­гүй байгаад тус эмнэлэгийн ажил­чид ярьж байлаа. 

Энэ жилийг “Хүний хөгжлийг дэм­жих жил” болгон зарласан. Хо­тын дарга ч “Энэ оны эхний улиралд багтаан мэргэжилтнүүддээ хол­бог­­дох газрууддаа өөрсдийн биеэр биечлэн очиж танилцах үү­рэг” өгсөн. Өнгөрсөн амралтын өд­рүү­д­­эд хотын дарга автобусаар зор­чиж, нийтийн тээврийн ажил­тай танилцсан. Хотын дарга өөрийн биеэр биечлэн ажилтай танил­цах нь аливаад зөв шийдвэр гар­га­хад нөлөөлнө гэдгийг онцолж бай­сан. Тиймээс энэ удаа хотын дар­га, Эрүүл мэндийн сайд нар эмнэлгүүдээрээ нэг яваад үзээсэй гэ­сэн саналыг хүмүүс тавьж байна.