УИХ дахь Ардчилсан намын бүлгийн өнөөдрийн хуралдаанаар Монгол Улсын Их Хурлын чуулганы хуралдааны дэгийн тухай хуульд нэмэлт, өөрчлөлт оруулах тухай хуулийн төслүүдийг хэлэлцэх эсэх асуудал Нийтийн албанд нийтийн болон хувийн сонирхлыг зохицуулах, сонирхлын зөрчлөөс урьдчилан сэргийлэх тухай хуулийн талаар бүлгийн санал, дүгнэлт боловсруулах ажлын хэсгийн санал дүгнэлтийг сонсох зэрэг хэд хэдэн асуудлаар хуралдсан юм.

Хуралдааны дараа Бүлгийн ахлагч Ч.Сайханбилэг сэтгүүлчдэд хуралдаанаар хэлэлцсэн асуудлын талаар мэдээлэл хийдэг. Харин өнөөдөр Бүлгийн ахлагч сэтгүүлчдэд мэдээлэл хийсэнгүй. Тэрээр уг хэвлэлийн мэдээг нь сэтгүүлчид авахгүй байж магадгүй гэж сэрэмжилсэн бололтой.