Кармэло Энтонигийн хойноос шаргуу хөөцөлдсөөр байгаа “Нью Жэрси Нэтс” баг Денверт татгалзахын аргагүй санал тавиад байна. Ингэснээр солилцоо явагдах магадлал нэлээд өндөр болжээ. Орос тэрбумтан Михаиль Прохоровын эзэмшилд байдаг “Нэтс” Денверийн одыг авахын тулд түүний таалалд нийцүүлэн ахмад туршлагатай тоглогчид өөр багаас авчрах хэрэгтэй болоод байгаа юм байна. Тэд Детройтын хамгийн ихээр хагацахыг хүсч байгаа Ричард Хамилтоны төлөө хоёр жилийн гэрээг шинээр үзэглээд байгаа, энэ улирлын дараа 6.75 сая ам.долларын цалинтай үлдэх Иохан Петро, цуцалж болох сүүлийн жилийн гэрээтэй тоглож байгаа 12 саяын цалинтай Трой Мөрфиг санал болгожээ. Харин “Нэтс” “Моторын хот”-ын багийн ирэх оны драфтын эхний тойргийн эрхийг нь хүссэн байна. Гэвч “Пистонс” драфтын эрхээ өгөх сонирхолгүй байгаа аж.

Бруклин рүү нүүнэ гэгдээд байгаа “Нэтс” Мэлог түүний хамтрагч Чонси Биллапсын хамт авахыг хүсч байгаа аж. Хэрэв солилцоо явагдвал тэднээс гадна Энтони Картер, Шелдэн Уилльямс нар “Нэтс” багт ирж, зөрөөд “Нэтс”-ийн драфтын эхний тойргийн хоёр эрх, Дэвин Харрис, рүүки довтлогч Дэррик Фэворс, мэргэн бууч Энтони Морроу, Бэн Узо, Стефэн Грэхэм, Кьюнтон Росс нар “Денвер Наггетс”-ын мэдэлд шилжинэ. Хэрэв энэ солилцоо явагдвал 2005 оны наймдугаар сарын 2-нд Энтуан Волкерыг Бостоноос авах гэж Майамигийн хийсэн 13 тоглогч оролцсон нүсэр солилцоотой зэрэгцэнэ. Энэ шилжилт нь NBA-ын түүхэнд хамгийн олон тоглогч зэрэг оролцсон солилцоо болж байсан юм.

Мэло өөрөө Нью-Йоркийг сонирхож байгаа, учир нь Стаудмайер тус багт очсон. Ирэх жил Крис Полыг хотдоо авчрах зорилготой ажиллаж байгаа юм. Гэхдээ “Нэтс” Нью-Йорк хот руу нүүнэ. Мөн тэдний дараагийн бай нь Пол болоод байгаа билээ. Тэгэхээр Мэлогийн “Нэтс”-т ирэх магадлал нь улам ихэссээр л.

Энэ солилцоо явагдвал нэгэн цагт NBA-ын шилдэг хамгаалагчдын хослол гэгдэж байсан ахмад тоглогчид дахин нэгдэх нь. Мөн дээрээс нь Мэло. Дэлхийн хамгийн хүчирхэг сагсан бөмбөгийн сонирхолтой улирал үргэлжилсээр байна.

Score Studio