Ирээдүйн машинуудыг жолоодох хэрэггүй болох нь тодорхой. Харин “Mercedes Benz” компанийнхан энэ зорилтод нэг алхам ойртжээ. Шинээр худалдаанд гаргаад буй 100 мянган ам.долларын үнэтэй энэ автомашин замын түгжрэлийн үед жолоочийн хөл ажиллагааг хасах боломжтой болгов. Бусад машинууд хэр хол байгааг мэдэрч, хурдаа зохицуулан явдаг аж. Энэ тохиолдолд жолооч педаль дээр гишгэх хэрэггүй бөгөөд зөвхөн жолоогоо эргүүлэх л хэрэгтэй юм.

Бусад компаниуд ч мөн төрлийн автомашин бүтээхээр ажиллаж байгаа. Аравдугаар сард “Google” компани бүтээсэн автомашинаа туршсан юм. Ломбард гудамж, “Golden Gate” гүүрийг давсан энэ машин газрын зураг болон мэдрэгчийн тусламжтай туршилтыг амжилттай давжээ. Мөн “General Motors” компани өөрийгөө жолооддог автомашинаа өнгөрсөн долоо хоногт Лас Вегаст танилцуулсан юм. Тус компанийн хэлснээр 2030 он гэхэд энэ автомашиныг зах зээлд 10 мянган ам.долларын үнээр нэвтрүүлэх боломжтой юм байна.