Энэ жил авто тээврийн болон өрөө явагч хэрэгслийн албан татвар хураах ажил нийслэлийн хэмжээнд  2 үе шаттай үргэлжилж байгаа. Нэгдүгээр нь үе шат нь энэ сарын 1-нээс ирэх 5-р сарын 31-ныг хүртэл хугацаанд албан татвар хураах ажлыг явуулах бол хоёрдугаар үе шат нь 6-р сарын 1-нээс 15-ныг хүртэлх хугацаанд хяналтын ажлыг хийхэд зориулагдах юм байна.
Албан татвар хураах ажлыг Нийслэлийн засаг даргын баталсан төв комисс удирдаж байгаа. Харин хяналтын ажлыг Нийслэлийн Замын цагдаагийн газар, Нийслэлийн татварын газрын даргын баталсан хамтарсан удирдамжаар зохион байгуулах ажээ. Нийслэлд АТБӨЯХ-ийн албан татвар хураах ажлыг нутаг дэвсгэрийн зарчмаар явуулж байгаа бөгөөд дараах байршилд ажиллуулж байна.
Баянгол дүүрэг- “Хөсөг трейд” ХХК-ийн байр
Баянзүрх дүүрэг- “Их сүлд” группын байр
Сүхбаатар дүүрэг- “Монгол глобал” ХХК-ийн Саруул төвийн байранд
Сонгинохайрхан дүүрэг- “Автобус 2”ХХК-ийн байранд
Хан-уул дүүрэг-“Автобус 1” ХХК-ийн байранд
Чингэлтэы дүүрэг- “Баянбогд плаза” ХХК-ийн байранд  тус тус үргэлжилж байна.