Манай улс сүүлийн 10 жилийн хугацаанд эдийн засгийн хувьд өсөлт үр дүнтэй байгаа ч нийгэм, ард иргэдийн амьдралд ахицтай өөрчлөлт гарсангүй. Улс төрийн тогтворгүй байдлаас болж гадаадаас манай орныг чиглэх хөрөнгө оруулагчдийн тоо цөөрч, зарим нэг томоохон хөрөнгө оруулагчид хулээлтийн байдалтай байна. Буурай хөгжилтэй орнуудын хөгжлийн явцыг харж байхад дараах хоёр чиглэл ажиглагдаж байна. Үүнд:
Өөрийн орны газар доорх баялагыг ашиглан гадаадын хөрөнгө оруулагчдийг татах замаар улс орноо хөгжүүлэх
Газар нутагийн онцлог давуу талаа (далайд гарцтай, бусад) ашиглан улс орноо хөгжүүлэх
Манай улс газар нутагийн хувьд тийм ч давуу байрлалтай биш өөрөөр хэлвэл далайд гарцгүй. Харин газар зүйн хувьд хоёр том гүрний дунд оршидог нь манай улсын хөгжилд чухал ач холбогдолтой юм. Манай улс далайд гарцгүй учраас газар доорх нөөц баялагаа ашиглан, гадаадын хөрөнгө оруулагчдыг татаж дэд бүтэц, эрчим хүч, барилга угсралт бүтээн байгуулалт, уйлдвэрлэлийн салбаруудаа хөгжүүлэх нь зуйтэй юм. Монгол улсад алтны нөөцийн хэмжээгээр дэлхийд 2-т орохоор томоохон орд илэрсэн нь дэлхий нийтийн чихийг дэлдийлгэж, нүдийг бөлтийлгөж байгаа нь нууцгүй юм. Үүнийг дагаад дэлхийд алдартай томоохон уул уурхайн компаниуд монголыг зорих болсон. Энэ Монголруу чиглэсэн гадаадын хөрөнгө оруулагчдын урсгалыг зөв зохион байгуулж, хуваарилаж чадах юм бол Монгол хүн бүр саятан, бүр цаашлаад тэр бумтан болох боломж байна. Энэ бол Монгол улсын хөгжлийн хамгийн наад захын жишээ. Гэвч цөөн хэдэн хүний эрх мэдлийн хүрээнд шийдэгдэж, Монголын ард түмэнд юу ч хүртээхгүй бололтой. Уул нь Үндсэн хуулиндаа Монгол улсын газар нутаг, түүний доорх баялаг ард түмний өмч байна гэсэн заалт байдаг.
¯ðãýëæëýëèéã