Аризона мужийн Таксон дахь дэлгүүрийн үүдэнд нэгэн хүн конгрессын төлөөлөгч Габриель Гиффордсыг хөнөөхийг завдсан этгээд хүмүүс рүү гал нээсэн байна. Пима хотын цагдаагийн газрын дарга Кларэнс Дупник гэмт этгээдийг баривчилсан байгаа ч нэрийг нь зарлахаас татгалзсан байна. Алуурчны гарт нийт зургаан хүн амиа алдаж, 12 хүн шархаджээ. Конгрессын төлөөлөгч нэг суманд оногдож, маш хүнд байдалд байгаа бөгөөд толгойдоо сумны шархтай байгаа аж. Харин амиа алдсан иргэдийн дунд Аризона мужийн дүүргийн шүүгч Жон Ролл ба есөн настай охин байв.

Гэмт этгээд 30 сумтай болгож сунгасан дайз бүхий 9мм-ийн “Glock” гар буугаар гал нээжээ.. Түүнийг дахиж хүн хохироохоос нь өмнө хоёр хүн түүнийг барьж авсан аж.
Тухайн үед гэмт этгээдийн хажууд байсан нэгэн хүнийг одоо эрэн сурвалжилж байгаа юм. Гэхдээ түүнийг гэмт хэрэгтэнтэй холбоотой байсан гэх баталгаа байхгүй байна.