Засгийн газрын гишүүн, Гадаад харилцааны сайд Г.Занданшатар Монгол Улсын гадаад бодлогын үзэл баримтлал батлах тухай УИХ-ын тогтоолын төслийг өнгөрөгч баасан гаригт УИХ-ын дарга Д.Дэмбэрэлд өргөн барьжээ. Манай орны гадаад харилцаа, хамтын ажиллагаа улам бүр өргөжин тэлэхийн сацуу эдийн засгийн хурдтай хөгжлийн шинэ гараанд тулж ирээд байгаа энэ үед гадаад харилцааны үр өгөөжийг улам нэмэгдүүлэх, гадаад харилцааг эдийн засагжуулах шаардлагатай уялдуулан энэхүү хуулийн төслийг боловсруулсан гэнэ.