Европын бирж дээр нэг баррель Брент нефтийн үнэ пүрэв гаригт 94,50 ам.доллар болж өссөн байна. Энэ нь АНУ-ын “WTI” маркийн нефтиэс зургаан ам.доллараар илүү байгаа бөгөөд 2010 оны тавдугаар сараас хойш харагдаагүй хамгийн их зөрүү боллоо. Сүүлийн үед WTI нефтийн үнэ Брентээс илүү үнэлэгдэж байсан юм.

Газрын тосны үнэ сүүлийн нэг жилийн хугацаанд дэлхийн эдийн засаг дахь эрэлтээс болж хүчтэй өсч байгаа. Ялангуяа Азийн зах зээлийн эрэлт хүчтэй байгаа аж. Хөгжиж буй эдийн засаг болох БНХАУ болон Энэтхэг улсуудын эрэлт хүчтэй байгаа юм. Хятад улс удалгүй АНУ-аас илүү газрын тос хэрэглэдэг болохоор байгаа билээ.

Э.Очирт