Нийтийн тээврийн үйлчилгээний чанар, соёлыг сайжруулах сарын аян өчигдөр эхэлсэн. Аян  эхэлсэн анхны өдөр автобус коспанийн ажилчид том оврын160 автобусыг шалгахад 53 зөрчил илэрчээ. Харин Нийтийн тээврийн газрын авто тээврийн хяналтын улсын байцаагч  нар 329 автобус шалгаж 84 зөрчил илрүүлсэн байна. Нийтдээ 65 хүн шалгалтад гарч 493 автобус шалгаж, 137 зөрчил илрүүлэн газар дээр нь засах боломжтойг засуулж ажилласан байна.  Хүйтний улиралд автобусны цонх цантаж хүндрэлтэй  байгаа нь үнэн бөгөөд гагцхүү иргэдэд үйлчилж байгаа жолооч кондукторууд буудал зогсоолоо зарлаж зорчигчдод мэдээлэл өгч байх ёстой.  Мөн автобусны жолооч кондукторууд өөрийн аж ахуйн нэгж байгууллагын таних тэмдэг бүхий ажлын хувцастай, мөнгө хураагч нь мөнгөний цүнхтэй энгэрийн тэмдэгтэй ажиллаж зорчих тасалбарыг тогтмол өгөх ёстой юм.  Жолооч нар кабиндаа тамхи татахгүй, хөгжмөө чангаар тавихгүй, буудал зогсоолоо зарлаж зорчигчдоо хүндэтгэж үйлчилдэг болгох нь сарын аяны гол зорилго ажээ.