Өнгөрсөн хоногт Баян-Өлгий, Ховд, Увс, Говь-Алтай, Завхан, Баянхонгор, Архангай, Өвөрхангай аймгийн нутгийн ихэнх хэсгээр цас орж, хамгийн хүйтэн нь Ховд аймгийн Цэцэг, Увсын Тэс суманд 42 градус хүрч хүйтэн байж, салхи зүүн аймгуудын нутгаар 12-14 м/с хүрч шуурсан байна.

Харин энэ сарын 12-ны өдрийг хүртэлх байдлаар 8-нд төвийн нутгийн зүүн хэсэг, зүүн зүгийн нутгийн зарим газраар, 10-нд төвийн нутгийн зүүн хэсэг, зүүн зүгийн нутгийн зарим газраар бага зэргийн цас орж, явган шуурга шуурна. Салхи ихэнх хугацаанд зүүн зүгийн нутгаар секундэд 7-12 метр секунд, Увс нуур, Дархадын хотгор, Идэр, Тэс голын сав газраар шөнөдөө 39-44 градус, өдөртөө 29-32 градус, Эхийн голын Баянбүрд болон говийн нутгийн өмнөд хэсгээр шөнөдөө 21-26 градус, өдөртөө 10-15 градус, бусад нутгаар шөнөдөө 29-34 градус, өдөртөө 17-22 градус, бусад нутгаар шөнөдөө 29-34 градус, өдөртөө 17-22 градус хүйтэн байна гэж Ус цаг уур, орчны шинжилгээний хүрээлэнгээс мэдээллээ.