Дэлхийн аварга Бразилийн алдарт хөлбөмбөгч “шүд” хочит Рональдо оны өмнөхөн нэгэн гайхалтай мэдэгдэл хийжээ. Тэрээр өөрийгөө хөнгөлүүлэхээр шийдсэнээ мэдэгдсэн гэж бразилийн Сан Пауло хотын нэгэн сонинд гарсныг Tiscalli агентлаг мэдээлсэн байна. Одоо 34 настай тэрээр дахин хүүхэдтэй болох сонирхолгүй болсон гээд анагаахын аргаар үргүй болох эмчилгээ хийлгэнэ гэж хэлсэн гэнэ. Алдарт хөлбөмбөгч одоогоор 4 хүүхэдтэй болсон бөгөөд хамгийн том нь 10 настай Роналд хүү, тэгээд таван настай болон 2 настай хүүхдүүдтэй болсон бөгөөд тэд Рональдогийн хуучин найз бүсгүйчүүлийх нь гэнэ. Харин одоогийн найз бүсгүй Биа Энтони нь 9 сартай охиныг нь өсгөж байгаа ажээ. Энэ талаар Роналдо ярилцлага өгөхдөө найз бүсгүйчүүл болон эхнэрийнхээ төлөвлөгдөөгүй жирэмслэлтээс бүр залхаж гүйцлээ гэж гомдолложээ. Ялангуяа түүний хоёр дахь хүүхдийн эх нь энэ талаар түүнд хэлээгүй байж байгаад дөрвөн жилийн дараа шүүхээр орж байж асуудал тодорсон нь түүнд ийм шийдвэр гаргахад нөлөөлсөн гэж хөлбөмбөгч ярьж байна.