Хэнтий аймаг орон нутгийн төсвийн хувьд бие даан санхүүжиж, Монгол улсын “Нэгдсэн төсвийн тухай” хуулийн дагуу 2009 онд орон нутгийн төсвийн зарлагаас давсан 470,8 сая төгрөг, 2010 онд 358,5 сая төгрөгийг улсын төсөвт төвлөрүүлээд байна. Энэ хугацаанд орон нутгийн төсвөөс зарцуулах хөрөнгө оруулалтын хэмжээ жилээс жилд нэмэгдэн 2009 онд 351,2 сая төгрөг, 2010 онд 1 тэрбум 248,3 сая төгрөгийг орон нутгийн бүтээн байгуулалтын ажилд зарцуулсан нь орон нутаг төсвийн хувьд бие даан санхүүжиж ажилласны үр дүн юм.