Соёл урлагийн их сургуулиас ангийнхаа охинтой хослон дуулж олны танил болж, нийтийн дууны ханхүү хэмээгдэх болсон УГЖ, дуучин С.Жавхлан хувийн амьдралынхаа талаар ам нээхийг хүсдэггүй нэгэн. Харин тэр энэ удаа өөрийн амьдралынхаа тухай ном бичихээр болжээ. Уг номдоо бага насны амьдрал, хэрхэн амжилтад хүрсэн, Т.Баясгалантай хослон дуулж байсан, "Торгоны зам" компанийн захирал Гантөмөр гэгч бэл бэнчинтэй айлын охин Г.Долгормаатай гэрлэж хөөрхөн охинтой болсон ч яагаад салсан тухай болон ээлжит шинэ амраг “Шуранхай” хамтлагийн дуучин Б.Эрдэнчимэгтэй хэрхэн танилцсан, хоёр дахь охиноо тосч авсан гээд амьдрал, уран бүтээлийнхээ талаар илэн далангүй бичих гэнэ.  

Хэсэг хугацаанд улс төрд хүч үзсэн, хотын соёл иргэншлээс татгалзсан гээд сүүлийн үед түүний амьдралд олон сонирхол татам үйл явдал өрнөснийг ч номдоо оруулах аж. С.Жавхланг чухам ямар хүн болохыг түүний номноос уншиж болох нь.