Өнөөдөр Нийслэлийн захирагчийн ажлын албанаас нийслэлийн “Хөрөнгө оруулалтын ажлын гүйцэтгэл, ирэх оны бодлого зорилт” зөвлөгөөн хүүхдийн ордонд 14,30 цагт  болно. Уг зөвөлгөөнөөр өнгөрсөн оны хөрөнгө оруулалтын гүйцэтгэл,  2011 оны зорилт бодлогын талаар зөвлөлдөх юм байна. 2010 онд нийслэлд хийгдсэн бүтээн байгуулалт хөрөнгө оруулалтын ажлыг өмнөх онтой харьцуулахад 21,4 тэрбум төгрөгөөр буюу 43,5 хувиар өссөн дүн гарчээ. Энэ онд нийслэлийн хэмжээнд улс, нийслэл, гадаад дотоодын болон аж ахуй нэгжийн хөрөнгө оруулалтаар нийтдээ 16,4 тэрбум төгрөгийн тохижилтын ажил хийсэн байна.