Монголын оюун ухааны академиас Үндэсний ой тогтоолтын аварга шалгаруулах анхдугаар тэмцээнийг зохион байгуулах гэж байна. Тэмцээн ирэх сарын 26-нд “Чингис” зочид буудалд болох юм. Тус тэмцээнд 13-аас дээш насныхан оролцох бөгөөд сүүлийн шатанд 60 хүнийг шалгаруулах бөгөөд хамгийн олон оноо авсан оролцогч цомын эзнээр тодрох юм байна. Үндэстний ой тогтоолтын аварга шалгаруулах тэмцээнд найман төрлийн даалгавар өгөх ба 52 хөзрийг таван минутад дарааллаар нь цээжлэх, 110 хүний овог нэр, зүс царайг 15 минутад цээжлэх зэрэг даалгаварыг өгөх юм.