-Өчигдөр танай дүүрэгт бага насны хоёр хүүхэд гэртэйгээ шатсан хэрэг гарчээ. Яг хэдэн настай хүүхдүүд байсан бэ?

-Манай Аврах гал унтраах ангид 22.30 цагийн үед гэр шатаж байна гэсэн дуудлага ирсэний дагуу бид найман минутын дотор очсон. Гэвч гэр шатаж, уг гэрт байсан 10 настай, 3 настай хоёр хүүхэд галд өртөн амиа алдсан байна.  

-10 настай хүүхэд 3 настай дүүгээ галаас аваад гарах бүрэн боломжтой. Тухайн үед гэр нь цоожтой байсан юм болов уу, эсвэл унтаж байсан юм болов уу?

-Хүүхдүүд унтаж байсан эсэхийг хэлж мэдэхгүй. Гэхдээ гэр гаднаасаа цоожтой байсан гэх шинж тэмдэг байгаагүй.

-Гал юунаас болж гарсаныг тогтоосон уу?

-Галын шалтгааныг тодруулахаар нийслэл хотоос шинжээчид ирээд ажиллаж байна. 14 хоногийн дотор шинжээчид дүгнэлтээ гаргана.  

-Эцэг эх нь хаана байсан юм бол. Ойрхон айл байсан юм болов уу?

-Эцэг эх нь галыг унтарснаас хойш ирсэн. Тухайн үед гал юунаас болж гарсныг асуух боломжгүй байлаа. Харин зэргэлдээ 7-8 метр байх айлаас дуудлага өгсөн юм билээ.