Монгол Улсын Ерөнхийлөгч Ц.Элбэгдорж өнөөдөр УИХ-ын дарга болон УИХ-ын чуулганы дэгийн тухай хуулийг санаачлагч гишүүдийн төлөөлөл болох Ж.Сүхбаатартай уулзан, баталсан хуулиа эргэн харах, асуудлыг шийдвэрлэх боломжийг өөрсдөөсөө хайхыг санал болгосон билээ. Тус уулзалтын дараагаар УИХ-ын дарга Д.Дэмбэрэл УИХ-ын даргын дэргэдэх зөвлөлийг хуралдуулж, уг асуудлыг хэлэлцсэн байна. УИХ-ын даргын дэргэдэх зөвлөлд бүх Байнгын хороодын дарга, намын бүлгийн удирдлагууд оролцдог аж.
Уг хуралдаанаас “Оны өмнөхөн баталсан УИХ-ын чуулганы дэгийн тухай хуулийн зарим зүйл заалтын талаар эргэн харах нь зүйтэй. Түүнчлэн энэхүү хуулийн зарим зүйл заалтыг хэрхэн авч үзэх талаар судлах хэрэгтэй” гэх шийдвэр гаргасан байна.
Б.Манд