Өчигдрийн байдлаар Торонтогийн бирж дээр Монголд үйл ажиллагаа явуулж байгаа уул уурхайн компаниудын хувьцааны үнэ ханш харьцангуй тогтвортой байв. Эл өдрийн арилжаагаар Монголд хөрөнгө оруулагчдын заримынх нь хувьцааны ханш өмнөх өдрийнхөөс өссөн бол заримынх нь буурчээ. Хамгийн их бууралттай хувьцаа нь “Denison уул уурхай” компанийнх байсан бол хамгийн их өссөн хувьцаа нь “Эрдэнэ гоулд”-ынх байжээ. Харин өнгөрсөн оны долдугаар сарын үеийн арилжааны дүнг энэ оны эхэнтэй харьцуулахад Монголд үйл ажиллагаа явуулж буй компаниудын нийт хувьцааны ханш  өссөн бөгөөд  “Айвенхоу майнз”-ийн хувьцаа хамгийн их хувийн өсөлттэй гарчээ.