Хоёр жилийн өмнө “Никитон” хамтлагийн дуучин Б.Батчулуун “Би зүгээр л тайван амьдармаар байна. Чимээгүй байгаа ч гэсэн би уран бүтээлээ хийсээр л байгаа. Хэзээ ч урлагаас урвахгүй. Харин манай хөгжим өөр болсон. Өөрөөр хэлбэл урлагт хайртай хүмүүс нь цөөрч шоу, нэр хүндэд хайртай нь олширсон байна. ийм үед би уран бүтээл хийлээ ч миний дууг ойлгох хүн алга” хэмээн хэлж байсан. Тэгвэл дуучин Б.Батчулуун нь уран бүтээлийг нь ойлгодог хүмүүст зориулж бие даасан цомгоо гаргахаар болжээ.

Одоогоор түүний шинэ шинэ цомгийн тав, зургаан дуу нь бэлэн болсон бөгөөд цомогт багтах бүх дууны үгийг “Нисванис” хамтлагийн дуучин Л.Энх-Амгалан бичиж, аяыг Баачка өөрөө зохиож байгаа гэнэ.