Volkswagen AG концерны Хяналтын зөвлөл санал нэгтэйгээр  VW компанийн
Захир­луудын зөвлөлийн дарга  Мартин Винтеркорны ажлын гэрээг таван
жи­лээр сунгав. Саяхан батлагдсан төлөв­лөгөөний дагуу 2018 он гэхэд
Германы авто үйлдвэрлэгч хамгийн орлоготой ма­шин үйлдвэрлэлээр дэлхийн
зах зээлд нэгдүгээрт гарч ирэх ажлыг тэр хэрэгжүүлэх юм.

Үүний зэрэгцээ Винтеркорн л  Porsche AG компанитай нийлэх наймааг
гүйцээх ёстой гэж Хяналтын зөвлөл үзсэн байна. Volkswagen компанид 
Мартин Винтер­корн 1993 онд ирээд 2007 оноос захир­луудын зөвлөлийг
толгойлжээ. Өнгөрсөн оны арванхоёрдугаар сарын 31-нд түүний бүрэн эрхийн
хугацаа дууссан байв. Түүний удирдлагаар компани нь Шведийн Scania гэх
ачааны машины үйлдвэрийн хяналтын багц хувьцааг авсан байлаа. Өнгөрсөн
жилд концерн анх удаагаа долоон сая машин үйлдвэрлэжээ.  Мартин
Винтеркорн  2011 оны тавдугаар сарын 24-нд 64 нас хүрнэ.

Ш.САМБУУ