Минск хотын өдөр
Зөвлөлт Бело­ру­сийн Засгийн га­зар 1919 оны энэ өдөр чөлөөлөгдсөн Минск хотод нүүн ирэв. Тэр өдрөөс эх­лэн Минск Белорусийн нийслэл болжээ.

“…Үнэндээ юуг ч өөрчлөхгүйгээр тэрээр хэдэн утга  санааг өөрчлөх боломжийг өөртөө авч байна…”
(Редактор гэсэн шинэ мэргэжлийг танил­цуулсан, түүхэнд анхны болох сэтгүүлийн редак­цийн өгүүллээс)
«Журналь де Саван» Францад анхны дугаараа 1665 оны нэгдүгээр сарын 5-нд гаргажээ.
Эхний дугаарын хуудаснаа том үсгээр дэл­хийн анхны редактор Сьёр де Эдовиллийн нэрийг бичсэн байв. Анхны дугаар нь шинэ номуу­дын тойм дайжест байлаа. Тэргүүн өгүүлэл нь ре­дакторын  түүхэн дэх анхны үг байсан ба ре­дакцийн бодлогыг тайлбарласан байлаа. Эхний хуудас­ны дээд хэсэгт үсгийн алдаа гарган “Жур­нал” гэхийн оронд “Жунарл” гэсэн байв.

Орос-Японы дайны үеэр Порт-Артур цайз бууж өгөв

Ноги ба Стессель хоёр Порт-Артур бууж өгсний дараа
1905 он: Шар тэнгисийн эрэг дэх Хятадын Люйшунь гэх хот Порт-Артур ХIХ зууны наяад онд  Ляодуны хойгийн өмнө хэсэгт бий болжээ. Хятадууд тэнд тэнгисийн цэргийн бааз барих ажлыг эхлүүлээд байдал Япон-Хятадын дайн (1894-1895) түүнд саад болсон байв. Япон Хятадыг ялаад бүх хойгийг эзэлсэн байлаа. Удал­гүй Орос, Герман, Францын шаардлагаар Хятад хой­гоо буцаан авсан ба 1898 онд Орос хойг ба Порт-Артурыг 25 жилийн түрээсээр авах эрхтэй бол­сон байлаа. 1901 оноос оросууд Порт-Артурын цай­зыг барьж эхэлсэн юм. Тэнд Оросын Номхон далайн нэгдүгээр флот долоон хуягт хөлөг, есөн крейсер, 24 мина тавигч зэрэг онгоцнуудаа байр­луулжээ. Тэдний зорилго нь Хятад дахь Оросын эзэмш­лэлийг япончуудаас хамгаалах явдал байлаа. Японы флот 1904 оны хоёрдугаар сарын 9-нд (21) Оросын усан онгоцнуудад гэнэтхэн довт­лон тэднийг боомтод нь шахжээ. Дөрөвдүгээр сарын 13-нд (26) оросуудын командын хөлөг хуягт «Петропавловск» сөнөн командлагч С.О. Мака­ров амиа алдсан байв. Оросууд наймдугаар сар хүртэл далайд гарах гээд чадалгүй японы онго­цуудад хөөгдөн боомтдоо эргэн ирж байлаа.

Наймдугаар сарын 19-нд (есдүгээр сарын1) цайзыг япончууд дайрч эхлэв. Генерал Ногийн командалсан япончууд тав хоногийн до­тор 20 мянган хүнээ алдаж байж, оросын хам­гаа­лалтын гурван байгууламжийг эзэлсэн байв. Тэр нь тэдэнд стратегийн давуу байдлыг өг­сөн юм. Арванхоёрдугаар сард япончууд дө­рөв дэх дайралтаараа хотын дээр ноёлох уулыг эзлэн цайзыг их буугаар буудаж эхлэв. Арван­хоёр­дугаар сарын  15-нд (28) Порт-Артурын хам­гаа­лалтын гол хүн генерал  Кондратенко шта­бынхаа хамт амь үрэгджээ. Генерал Стессель цэр­гийн зөвлөлийн санааг авч хэлэлцэлгүйгээр япон­чуудтай хэлэлцээрт орон бууж өгсөв. Түүний дагуу Оросын 23 мянган цэрэг зэр зэвсэгтэйгээ бууж өгчээ. Порт-Артурын хамгаалалт 329 хоног үргэл­жилж, япончууд энэ тулалдаанаар 110 мянган хүн ба 13 хөлөг онгоцоо алдсан байв. Орос-Японы дайныг зогсоосон Портсмут энхийн гэрээгээр Орос түрээсийн эрхээ Японд алдсан бай­лаа. Түрээс 1923 онд дууссан ч япончууд түү­нийг Хятадад шилжүүлээгүй юм. 1945 оны наймдугаар сард Зөвлөлтийн десант Порт-Артурыг эзэлсэн ба Япон дайнд бууж өгсний дараа уг бааз Зөвлөлт ба Хятадын хамтран ашиглах статустай болов. Гэрээний хугацаа 30 жил байв. Түүнийг Зөвлөлт сэргээн босгоод 1955 онд Зөвлөлтийн лидер Хрущев найрамдлын бэлэг болгон Хятадад эргэлтгүйгээр дамжуулан өгчээ.

«Алтан хаалга»  гүүр баригдаж эхэлжээ

1933 он: «Алтан хаалга» хоолой дээгүүрх дүүжин гүүр нь дэлхийн хамгийн алдартай гүүрнүүдийн нэг. Дүүжин гүүр барих ажил XVIII зуунд эхэлж, жижиг гүүрүүдийг барьж байлаа. XIX зуун дүүжин гүүр босгоход ширэм ба болдыг оруулж ирэв.  Шинжлэх ухаан, техникийн хөгжил нь ХХ зуунд дүүжин гүүр барих шинэ эргэлтийг гаргажээ. Дүүжин гүүрийн системийн давуу талыг 1903 онд барьсан Нью-Йоркийн Вильямсбургын гүүр, 1930 оны Детройтын гүүр болон  жилийн дараа нь боссон Гузоны км гаруй гулдантай гүүр харуулсан юм. 1933 оны нэгдүгээр сарын 5-нд «Алтан хаалга» хоолой дээгүүр дүүжин гүүр барих ажил эхэлжээ. Гүүрийг дөрвөн жил орчим хугацаанд босгосон байна. Уг гүүр нь Сан-Франциско хотыг Марин тойргийн өмнөд хэсэгтэй холбож өгчээ. 1937 оны тавдугаар сарын 27-ны өглөөний зургаан цагт гүүрийг явган хүнд зориулан нээж, 12 цагийн дараа тээврийн хэрэгсэл явуулж эхэлсэн байна. «Алтан хаалга» гүүр 1964 он хүртэл дэлхийн хамгийн том дүүжин гүүр байлаа. Гүүрийн урт 1970 метр, үндсэн гулдангийн урт нь 1280 метр, суурийн өндөр нь усны төвшнөөс 230 метр өндөр, нийт жин нь 894500 тонн. Хоолойн дээгүүр тавигдсан энэ гүүр нь америкчуудын үндэсний бахархал юм. Гүүр 1281 метр гаруй өндөр дүүжин гулдангуудтай. Гулдангийн дундаж өндөр нь 66 метр бөгөөд  230 метрийн өндөртэй тулгуурт бэхлэгджээ.