Сар шинийн баяр ойртож буйтай холбогдуулан  хонины ууц, үхрийн өвчүүний эрэлт хэрэгцээ ихэссэн байна.  “Хүчит шонхор”  зах дээр хонины ууц 90-170 мянган төгрөгийн үнэтэй байна. Харин үхрийн өвчүү 100-120 мянган төгрөгийн хооронд зарагдаж буй аж. Цагаан сар ойртох тусам  ууцны үнэ улам өсөх бололтой. Ууцаараа гайхуулдаг зүүн аймгуудаас малын мах орж ирэхгүй байгаа нь үнэ өсөхөд нөлөөлжээ.