Тансаг зэрэглэлийн загварын ордон Yves Saint Laurent энэ оны хавар зуны шинэ коллекцийнхоо зар сурталчилгааг цацаж эхэллээ. Тэд шинэ бүтээгдэхүүнийхээ нүүр царайгаар сүүлийн үед нэр хүнд нь огцом өсөөд буй загвар өмсөгч Arizona Muse-ыг сонгосон байна. Тэрбээр 21 настай ба анх 2008 онд загварын ертөнцөд хөл тавьсан юм. Олон нэр хүндтэй брэндийн үзүүлэх тоглолтод оролцож, мэргэжилтнүүдийн хараанд өртаж чадсан. Энэ жилээс мөн нэр хүндтэй томоохон брэндүүдийн нэг болох Prada-тай гэрээ хийгээд байгаа ба Yves Saint Laurent-тай хамтран ажилласан анхны сурталчилгааны зургууд нь цацагдаж эхлээд байна.

Энэхүү зар сурталчилгааг Yves Saint Laurent-ын кретив захирал Stefano Pilati найруулсан ба гэрэл зурагчдаар нь Inez van Lamsweerde, Vinoodh Matadin нар ажиллажээ.