Хангайн бүсэд аялал жуулчлалыг хөгжүүлэх асуудлаар хэлэлцжээ | News.MN

Хангайн бүсэд аялал жуулчлалыг хөгжүүлэх асуудлаар хэлэлцжээ

Хуучирсан мэдээ: 2010.04.05-нд нийтлэгдсэн

Хангайн бүсэд аялал жуулчлалыг хөгжүүлэх асуудлаар хэлэлцжээ

“Хангайн бүсийн аялал жуулчлалын өнөөгийн байдал, хөгжлийн чиг хандлага” сэдэвт эрдэм шинжилгээ, онол практикийн III бага хурал энэ сарын 1-3-нд Орхон аймагт боллоо. Энэ хурал өнгөрөгч онд Өвөрхангай аймгийн Хархорин суманд төрийн тэргүүний ивээл дор болсон Хангайн бүсийн аялал жуулчлалын чуулганы үргэлжлэл юм.

Хуралд төрийн болон төрийн бус өмчийн 12 их, дээд сургуулийн эрдэмтэн доктор, судлаач багш болон Аялал жуулчлалын үндэсний төв, “Тэгш мөр төв” төрийн бус байгууллагын мэргэжилтэн, Хөвсгөл, Архангай, Өвөрхангай, Баянхонгор, Булган, Орхон аймгийн аялал жуулчлалын мэргэжилтнүүд бүсийн аялал жуулчлалын өнөөгийн байдал, цаашдын чиг хандлагын талаар судалгаа шинжилгээний ажлаараа илтгэл тавьж хэлэлцүүлсэн байна. Энэ удаагийн эрдэм шинжилгээний хурлыг Монголын аялал жуулчлалын багш, судлаачдын нийгэмлэгээс санаачлан БОАЖЯ, Орхон аймгийн Засаг даргын тамгын газар, МУИС хамтран зохион байгуулсан юм байна.

Д.Долгор

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж