David Arquette сэтгэл санаагаар ихэд унан сүүлийн үед архинд дурлах болсон тухай хэвлэлүүдээр шуугиад байгаа. Харин тэрбээр өөрийн хүсэлтээр нөхөн сэргээх эмчилгээнд хамрагджээ.

David Arquette эхнэр жүжигчин Courteney Cox-оос салж буй тухайгаа өнгөрсөн онд мэдээлж байсан ба 11 жилийн хамтын амьдралдаа цэг тавих цаг болсон хэмээн итгэл төгс байсан юм. Харин хоног өдөр өнгөрөхийн хэрээр тэрбээр эхнэр хүүхдүүдээ санаж, гэр бүлийн амьдралаа өгүүлж буй бололтой.

“Сэтгэлзүйч маань намайг сэтгэд санааны гүн хямралд орсон байна гэж хэлсэн. Ойр дотныхон маань бүгд надад сэтгэл нь зовцгоож байгаа. Энэ нь нэг талаар надад дарамт болж байна. Би архи нэлээд уудаг болсон. Сэтгэл санааны дарамтаасаа ангижрах гэж уудаг. Харин ууснаас би бүр ч өөрийгөө хорлож байна гэж сэтгэлзүйч маань надад анхааруулсан” хэмээн тэрбээр радио нэвтрүүлэгт оролцох үеэрээ ярьж байсан юм.

Хосууд 1996 онд “Scream” киноны зураг авалтын үеэр танилцсан ба гурван жилийн дараа гэрлэсэн юм. Тэд зургаан настай охины хамт амьдардаг. Тэд найз нөхдийнхөө хүрээнд хамгийн сайхан гэр бүлийн тоонд ордог эвтэй хосуудын нэг байсан юм.

Н.Наран