Грэммийн шагналт, кантри дуучин Shania Twain шинэ оны босгон дээр сүйт залуу Frederic Thiebaud-тай хуримаа хийсэн тухай мэдээлж байсан. Харин хосуудын хуримын анхны зургийг People сэтгүүл нийтэлжээ. Дуучин бүсгүй хуримын даашинзаа Швейцарьт урлуулсан ба Calvin Klein-ы гоёмсог туфль өмссөн байна.

Тэд хуримын ёслолоо арванхоёрдугаар сарын 30-ны бямба гаригт Пуэрто-Рикогийн нэгэн арал дээр хийсэн ба 40 орчим зочид оролцсон байна.

People сэтгүүлийн мэдээлснээр тэд 2009 оноос эхлэн дотно харилцаатай болсон ба хоёулаа гэр бүлээ цуцлуулан сэтгэл санааны хүнд байдалд байхдаа танилцсан аж. Shania Twain 2008 онд 14 жилийн хамтын амьдралдаа цэг тавьж, нөхрөөсөө салсан ба түүний нөхөр нь дуучны хамгийн дотны найз бүсгүйтэй шинэ амьдралаа эхлүүлсэн юм.

Н.Наран