Архангай аймагт сүүлийн хэдэн жил газар тариалангийн салбарт хийгдээгүй томоохон хөрөнгө оруулалтаар 800 гаруй сая төгрөгийн 38 техник хэрэгслийг орон нутагт хүлээлгэн өгч, “орон нутгийн өмчит улсын үйлдвэр” буюу техник дундын үйлчилгээний төвийг Төвшрүүлэх суманд байгууллаа.

Техник хэрэгслийн хүчин чадал нь 10 мянган га талбайд уринш бэлтгэж, тариалалт хийх хүчин чадалтай аж.  Энэ онд 2000 га талбайд, ирэх жил 3000 га талбайд уринш хийж, тариалалт явуулах зорилт тавин ажиллаж байгаа гэнэ.