Монголын үндэсний худалдаа аж үйлдвэрийн танхим  (МҮХАҮТ)-аас  оны шилдэг бизнес эрхлэгчдийг тодруулж, үндэсний нийгэм эдийн засгийн хөгжилд үнэтэй хувь нэмэр оруулсан аж ахуй нэгжүүдийн ололт, амжилтыг хөхүйлэн дэмжих зорилгоор жил бүр уламжлал болгон зохион байгуулдаг  Entreprenuer-2010 наадмын шагнал гардуулах ёслолын ажиллагаа 14 дэх жилдээ амжилттай болж өндөрлөсөн.

Нийт 10 номинацид Монголын бизнесийн салбарт нэр нөлөө бүхий, тэргүүлэгч компаниуд өрсөлдсөнөөс экспортыг нэмэгдүүлж, үндэсний эдийн засаг, цэвэр үйлдвэрлэлд хувь нэмэр оруулсан байдал, ажлын байр шинээр болгосон байдал, шинэ техник технологи, дэвшилтэт ажиллагааг үйлдвэрлэлд нэвтрүүлсэн байдал гэх зэрэг мэргэжлийн олон шалгуур үзүүлэлтүүдийг харгалзан үзсэний үндсэн дээр салбарын шилдгүүд болон Топ 10 аж ахуйн нэгжийг шалгаруулдаг. “Петровис” ХХК нь  Монгол улсын газрын тосны салбарын 2010 оны “ Шилдэг аж ахуйн нэгж” –ээр тодорч “Мөнгөн Меркури өргөмжлөлөөр” шагнууллаа.