Тавантолгойн ордыг эзэмшиж буй “Эрдэнэс Тавантолгой” хувьцаат компани уг ордын нэг хэсэг дээр хамтран ажиллах гадаадын хөрөнгө оруулагчийн болон олборлогчийн тендер зарлаад байгааг “Монгол 999” үндэсний нэгдэл эсэргүүцэн мэдэгдэл гаргажээ.

Засгийн газар, Төрийн өмчийн хороо, “Эрдэнэс Монгол” компанид хандсан дээрх мэдэгдэлд “Эрдэнэс Тавантолгой” компанийг холбогдох хууль, журмын дагуу байгуулаагүй гэж үзэж байгааг мөн дурдаад хууль бус үйлдлүүдээ эргэн харахыг шаардсан байна.