Монголын Телевизүүдийн холбооноос жил бүр уламжлал болгон зохион байгуулдаг "Алтан шонхор -2010" наадмын шилдгүүд тодорлоо. “Мишээл экспо”-д болсон тус ёслолын арга хэмжээнд нийт 17 шилдэг байгууллага, уран бүтээлчид тодорсон юм.  Шилдэг орон нутгийн телевизээр- Увс аймгийн "МВС" телевиз шалгаран Увсын цэнхэр хязгаар нутагт телевизийн урлагийг хэр өндөр түвшинд хөгжүүлж чадсанаа харууллаа.  Шагнал гардуулах ёслолын үеэр MBC телевизийн захирал н.Мягмарсүрэн “Энэ бол манай багийн 18 шижигнэсэн залуусын хамтын шагнал мөн Увсын цэнхэр хязгаарт аж төрөн суугаа мянга мянган үзэгчдийн минь шагнал” гэв.