АНУ-ын өмнөд болон баруун хагаст баасан гаригт шуурсан хуй салхины уршгаар долоон хүн амь үрэгдэж, хэд хэдэн хүн гэмтэж бэртэн, ойр хавийн мужуудад цахилгаан эрчим хүч тасалдсан байна. Хуй салхины улмаас баасан гаригт Арканзас мужийн Синсинати хотын гурван оршин суугч болон Өмнөд Миссуригийн гурван иргэн амь эрсэджээ. Түүнчлэн баасан гаригт нэгэн эмэгтэй хүнд гэмтэж эмнэлэгт хүргэгдсэн ч, маргааш нь өнгөрсөн байна.

“Хуй салхи баасан гаригт орон нутгийн цагаар өглөөний 06:10 цагт Фэитвилл хотоос баруун тийш 32 км зайд болсон” гэж Оклахамагийн Үндэсний цаг уурын хүрээлэнгийн цаг уурч Жоу Сэллэрс мэдэгджээ. Харин шуурга болохоос 10 минутын өмнө Арканзасын баруун хойд хэсгийн цаг уурын хэлтсээс анхааруулсан байна. Хар салхины улмаас Арканзасын зэргэлдээх Бэнтоны нисэх буудлын нислэгүүд саатаж, цахилгааны шугамнууд тасарчээ.

Б. Энхцэцэг