Хэдхэн цагийн дараа шинэ он гарах гэж байна. Энэ өдөр Улсын драмын эрдмийн театрын жүжигчин Г.Эрдэнэбилэг хэрхэн шинэ оноо угтах гэж байгаа талаар нь утсаар лавлалаа.

-Баярын мэнд хүргэе, шинэ оноо хэрхэн угтах гэж байна?

-Баярлалаа, одоогоор бодсон зүйл алга л байна. Миний хоолой өвдөөд бие жаахан тааруухан байна.

-Тэгвэл шинэ оноо гэртээ угтах уу?

-Харин л дээ, таньдаг найз нөхөд, хамаатан садангийндаа очиж баярлах байх. Тэгээд л яг он гарахын өмнөхөн гэртээ орж ирээд 2011 оноо угтана даа.

-Өнгөрсөн 2010 он таны хувьд уран бүтээлийн олз омог ихтэй жил байв уу?

-Тийм ээ, их сайхан жил болж өнгөрсөн. Их ажил ихтэй л жил байлаа даа. Сүүлийн өдрүүдэд ажлын ачаалал их байлаа.

-Өнгөрсөн жилүүдэд шинэ оноо хэрхэн угтдаг байсан бэ?

-Гэртээ угтдаг байсан. Гэхдээ ганц хоёр гадуур угтсан жил байгаа юм байна. Гадуур шинэ жилийн хөтөлбөртэй үед гадуур л шинэ оноо угтаж байгаа юм даа. Энэ жил бол гэртээ угтана аа.