Мексикт хөлсний алуурчид баригджээ | News.MN

Мексикт хөлсний алуурчид баригджээ

Хуучирсан мэдээ: 2010.12.30-нд нийтлэгдсэн

Мексикт хөлсний алуурчид баригджээ

Мексикийн мансууруулах бодисны Синало бүлэглэл мягмар гаригт цагдаа нартай мөргөлдөж, тус бүлгийн 13 хөлсний алуурчныг цагдаа нар баривчилжээ. Мягмар гаригт Хойд дуранго мужийн нийслэл Дуранго хотод болсог мөргөлдөөний үеэр нэг автобусны жолооч, нэг эмэгтэй амиа алдсан байна. Баривчлагдсан этгээдүүдийн дотор олон удаагийн луйврын хэрэгт оролцож, хар тамхи дамладаг сүлжээнд мэдээлэл дамжуулж байсан Жете Нова бүлэглэлийн хөлсний алуурчдын толгойлогч 37 настай Жоз Мануэл Райс гэгч байжээ.

Женте Нова бүлэглэлийн энэ удаагийн халдлагын бай нь Лос Зетас нэртэй гэмт хэргийн бүлэг байсан ба Лос Зетас ч Мексик дэх нөлөөгөө тэлэхийг санаархаж байгаа нөлөө бүхий гэмт хэргийн сүлжээ юм. Хэрэгтнүүдийг холбоо, муж, орон нутгийн засаг захиргааны ажилчидтай холбоотой байж болзошгүй хэмээн сэжиглэж байгаа бөгөөд, дээрэмчдийг дэмжээгүй төр, захиргааны байгууллагын ажилчдыг заналхийлсэн байж болохыг Холбооны цагдаагийн газрын хар тамхитай тэмцэх хэлтсийн дарга Рамон Эдуардо Пичино мэдэгдсэн байна. Мягмар гаригт болсон мөргөлдөөний үеэр 10 винтов, гурван гар буу, таван гар бөмбөг, 290 цэнэгт сум, түүнчлэн хэд хэдэн хуурамч цагдаагийн тэмдэг, дүрэмт хувцсыг хураан авчээ.

Б. Энхцэцэг

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж