нийслэлийн Налайх дүүргийн нутагт
120-130 аманд мянга гаруй хүн гар аргаар нүүрс олборлож байна.
Зуны гурван сар л түр завсарладаг энэ амь дүйсэн албан
бус хөдөлмөрийн улмаас энэ оны эхний гурван сард арав гаруй хүн эрсдэлд өртөөд байгаа ажээ. Тиймээс бид Эрдэс баялаг эрчим хүчний яамны
харъяа Налайх дахь уул уурхайн аврах албаны дарга Ц.Жанчиваас зарим зүйлийг
тодрууллаа.
-Налайхын нүүрсний уурхайд
гарсан ослын улмаас хүмүүс амиа алдсаар байна. Осол юуны улмаас гарч байна вэ?
-Нүүрсийг гар
аргаар олборлох нь эрсдэлтэй. Албан ёсны зөвшөөрөлгүй, зориулалтын бэхэлгээгүй уурхай руу
орж олборлолт хийж байгаа нь ослын гол шалтгаан. Нас барагсад нурангид дарагдсанаас амиа алдаж
байна. Энэ жил л гэхэд 36 удаа уурхайд осол гарснаас арав гаруй хүн амиа
алдсан. Нуранги үүссэн даруйд аврах ангид мэдээлэл өгөөгүйгээс хугацаа алдах, байдал хүндэрсэн үед л тусламж
эрэх зэрэг тохиолдол олон
гарч байна.
-Уурхайн ам руу хүүхэд оруулах
нь түгээмэл. Амиа алдагсдын
дунд хүүхэд байсан уу?
-Хүүхдүүдийг уурхайд
ажиллуулдаг нь үнэн. Гэхдээ энэ жилийн хувьд хүүхэд осолдож, амиа алдаагүй. Голчлон 25-33 насны залуучууд л амиа алдаж байгаа
нь харамсалтай. Цаашдаа ч осол аваар гарч болзошгүй хэвээр
байна. Иймд иргэд ажиллах орчиндоо онцгой анхаарч, стандартын дагуу гаргасан ам, бэхэлгээтэй уурхайд
ажиллах хэрэгтэй байна.
Д.Цээнэ