Бээжингийн эрх баригчид 2015 он гэхэд Бээжингийн олон нийтийн газруудад тамхи татахыг бүрэн хориглох гэнэ. Энэ тухай People"s Daily сонины сайтад мэдээлсэн байна.

"Синьхуа" нэмэн мэдээлснээр бизнес төв, цэнгэлдэх хүрээлэн, нийтийн тээвэрт бас тамхи татуулахгүй гэжээ. Хятадын Засгийн газар 2011 оны нэгдүгээр сарын 1-нээс олон нийтийн газар тамхи татахыг хориглосон шийдвэр гаргаад байгаа ч хотын захиргаа энэ хугацааг “бодит бус” гэж үзсэн байна. Бээжингийн олимпийн өмнө олон нийтийн газруудад тамхи татуулахыг хориглосон шийдвэр гаргасан ч хотын захиргаа түүнийг сахиулж чадаагүй билээ.

"Синьхуа" агентлагийн мэдээгээр Хятадад 350 сая тамхичин байгаа нь дэлхийн  тамхины хэрэглээний гуравны нэг болж байгаа ажээ.

Ш.Мягмар