Хямралын дараа ОХУ-ын эдийн засаг сэргэж, бараг хэвийн байдалтай болсон хэмээн Известия сонинд бичжээ. ДНБ оны эцэст 4 хувиар өссөн бөгөөд ажилгүйдэл 6,7 хувиар буурсан байна. Цалингийн хэмжээ мөн өсч хямралын өмнөх үеийн түвшинд хүрчээ.

ОХУ-ын Ерөнхийлөгч Д.Медведев 2010 оны эдийн засгийн тухай товч мэдэгдэхдээ хөрөнгө оруулалтын таагүй орчин болон инфляцийн өндөр түвшин улсын санхүүд муугаар нөлөөлсөн гэж дүгнэлээ. Тиймээс оны эцэст 8,5%-р тооцогдоод байгаа инфляцийг 2011 онд буулгахын тулд Засгийн Газар анхааран ажиллах болно хэмээн тэрбээр Мягмар гарагт болсон эдийн засгийн хуралдааны үеэр хэлсэн байна.