Монгол Улсын Үндсэн хуулийн Цэц, ХБНГУ-ын Үндсэн хуулийн шүүхийн хамтын ажиллагааны хүрээнд Конрад Аденуарын сан/КАС/-гаас Үндсэн хуулийн Цэцэд ном бэлэглэх ёслол өнөөдөр боллоо. Энэ үеэр  ХБНГУ-ын КАС-ын Улаанбаатар дахь Суурин төлөөлөгч Иоханесс Д.Рай Конрад Аденуарын сангаас Монгол Улсын Үндсэн хуулийн Цэцийн номын сангийн сан хөмрөгийг арвижуулахад зориулж өгсөн 4000 еврогийн  хандивын мөнгөөр нийгэм, улс төр,төр эрх зүй, түүнчлэн үндсэн хуулийн эрх зүйтэй холбоотой нийт 112 нэр төрлийн ном худалдан авч бэлэглэж байгаа тухайгаа танилцуулсан байна.