Өнөөдөр 10.00 цагаас Засгийн газрын ээлжит хуралдаантай.
Хуралдаанаар Хүний хөгжлийн сангаас оюутны сургалтын төлбөрт өгөх 500 мянган төгрөгийг олгох журмыг хэлэлцэн батлах юм байна. Уг асуудлыг Боловсрол, соёл шинжлэх ухааны сайд Ё.Отгонбаяр танилцуулна. Хүний хөгжлийн сангаас оюутны сургалтын төлбөрт 500 мянган төгрөг олгох асуудлыг Засгийн газар өнгөрөгч есдүгээр сард шийдвэрлэсэн бөгөөд харин уг мөнгийг олгох журмыг боловсруулах ажлыг Боловсрол, соёл шинжлэх ухааны сайд Ё.Отгонбаяр, Засгийн газрын хэрэг эрхлэх газрын дарга Ч.Хүрэлбаатар нарт даалгасан юм. Засгийн газрын ээлжит хуралдаанаар мөн төлөвлөгөөт бусад асуудлыг хэлэлцэх аж.