Монголын эдийн засгийн анхдугаар чуулган өнгөрсөн хоёрдугаар сард Монгол Улсын нийслэл Улаанбаатар хотноо “Бид хамтдаа чадна” уриан дор амжилттай зохион байгуулагдсан билээ.

Анхдугаар чуулганаар Хөрөнгийн зах зээл, Өрсөлдөх чадвар, Улсын бүртгэлийн шинэчлэл, Төсвийн шинэтгэл, Уул уурхай, Ногоон эдийн засаг зэрэг улс орны амьдралд чухал нөлөө бүхий асуудлаар төр, хувийн хэвшил, эрдэмтэн судлаачид, гадаадын хөрөнгө оруулагчид болон хандивлагчид, иргэний нийгмийн төлөөлөл хоёр өдрийн турш хэлэлцүүлэг өрнүүлж тодорхой шийдэл, сэжүүр гаргасан нь  амьдралд хэрэгжиж эхлээд байна.

Мөн чуулганаар Монголын эдийн засгийн форум төрийн бус байгууллага байгуулсан одоо тус байгууллага 2011 оны ээлжит чуулганыг зохион байгуулах ажилдаа ороод байна.

Монголын эдийн засгийн ээлжит чуулган урьдчилсан байдлаар 2011 оны хоёрдугаар сарын 27, 28-нд Монгол Улсын хөгжлийн асуудлаар Улаанбаатар хотноо зохион байгуулахаар төлөвлөөд байна. Иймд оролцох хүсэлтээ хүмүүсаирэх нэгдүгээр сарын 10-ны өдрийн дотор форумын Зохион байгуулах хороонд доорх хаягаар ирүүлэхийг хүсье.

Улаанбаатар хот, Сүхбаатар дүүрэг, Ерөнхий сайд А.Амарын гудамж, Үнэн сонины байр 4 давхар гэсэн хаяг болон цахим хаяг: www.meforum.mn болон secretary@meforum.mn майлаар хандаж болох юм байна.