Монгол Улсын Ерөнхий сайдын дэргэдэх Хилийн чанадад амьдарч буй Монгол Улсын иргэдтэй хамтран ажиллах Зөвлөлөөс Боловсрол, Соёл, Шинжлэх Ухааны Яамтай хамтран гадаадад амьдарч буй иргэдийнхээ эх орныхоо хөгжилд, хувь нэмрээ оруулахаар гаргаж буй бүтээлч, шинэ санаачлагыг дэмжих, зохион бичлэгээрээ дамжуулан төр засагтаа санал бодлоо хүргэх боломжийг бүрдүүлэх зорилгоор „Эх орныхоо хөгжилд – Миний оролцоо“ сэдэвт эссэ бичлэгийн уралдааныг зохион байгуулсан билээ. Уралдааны дүнг яг одоо Төрийн ордны хэвлэлийн бага хурал хийж мэдээллэж байна.

Уралдаанд 15 улс оронд сурч, ажиллаж амьдарч байгаa Монгол Улсын иргэдээс нийт 89 бүтээл ирүүлж улс орныхоо давуу сул тал, нөөц бололцоогоо хэрхэн зөв ашиглах, хөгжлийг хэрхэн хурдасгах, тэр дундаа иргэн миний хувь нэмэр, боломж, хүсэл тэмүүлэл, оролцоо ямар байх тухай оюун ухаанаа уралдуулж санал бодлоо ирүүлжээ.

Тэргүүн байранд Ирланд, Дублины их сургуулийн мастер А.Наранбаатар “Монгол орны хөдөө аж ахуйн салбарын хөгжилд миний оролцоо” бүтээлээрээ, М.Гандуулга Бээжин хотоос “Монгол улсынхаа төлөө зүтгэе” бүтээлээрээ орсон бол дэд байранд Н.Баяржаргал,Х.Батбилэг нар, Гутгаар байранд Д.Болд, А.Тэмүүлэн нар шалгарсан байна.